Joh 20 | Ndebele | STEP | Kwathi ngolokuqala lweviki uMariya Magadalena wafika engcwabeni ekuseni kakhulu, kusesemnyama , wabona ilitshe lisusiwe engcwabeni .

John 20

Ukuvuka kukaJesu

1 Kwathi ngolokuqala lweviki uMariya Magadalena wafika engcwabeni ekuseni kakhulu, kusesemnyama ^a, wabona ilitshe lisusiwe engcwabeni ^b. 2 Ngakho wagijima weza kuSimoni Petro lakomunye umfundi uJesu ayemthanda ^c, wathi kubo: Bayisusile iNkosi engcwabeni, njalo kasazi lapho abayibeke khona. 3 Ngakho uPetro waphuma lomunye umfundi, bafika engcwabeni ^d. 4 Basebegijima bobabili kanyekanye; omunye umfundi wasegijima phambili ngesiqubu kuloPetro, wafika kuqala engcwabeni. 5 Kwathi ekhothama elunguza ^e wabona amalembu acolekileyo endlelwe, kodwa kangenanga ^f. 6 USimoni Petro wasefika emlandela, wangena engcwabeni, wabona amalembu acolekileyo endlelwe ^g, 7 lelembu lobuso elalisekhanda lakhe, lingabekwanga lamalembu acolekileyo ^h, kodwa lendluliwe lisendaweni yalo lodwa. 8 Ngakho wasengena laye omunye umfundi owayefike kuqala engcwabeni, wabona, wakholwa; 9 ngoba babengakaqedisisi ⁱ umbhalo, ukuthi ubemele ukuvuka kwabafileyo ^j. 10 Basebesuka futhi abafundi baya kubo ^k.

Ukuzibonakalisa kukaJesu

11 Kodwa uMariya wema engcwabeni phandle ekhala ^l; kwathi esakhala, wakhothama walunguza engcwabeni ^m, 12 wasebona ingilosi ezimbili zembethe ezimhlophe zihlezi, enye ingasekhanda, lenye ingasenyaweni, lapho isidumbu sikaJesu ebesilele khona ⁿ. 13 Zona zasezisithi kuye: Mama, ukhalelani? Wathi kuzo: Ngoba bayithethe iNkosi yami, njalo kangazi lapho abayibeke khona. 14 Kwathi esetshilo lezizinto watshibilika, wabona uJesu emi ^o, kodwa wayengazi ukuthi nguJesu ^p. 15 UJesu wathi kuye: Mama, ukhalelani? Udinga bani ^q? Yena ecabanga ukuthi ngumphathi wesivande, wathi kuye: Nkosi, uba wena umsusile, ngitshele lapho ombeke khona, mina-ke ngizamthatha ^r. 16 UJesu wathi kuye: Mariya! Yena watshibilika wathi kuye: Raboni! okuyikuthi: Mfundisi ^s. 17 UJesu wathi kuye: Ungangibambi, ngoba kangikenyukeli kuBaba ^t; kodwa yana kubafowethu ^u, uthi kubo: Ngiyenyukela kuBaba loYihlo ^v, lakuNkulunkulu wami loNkulunkulu wenu ^w. 18 UMariya Magadalena weza wababikela abafundi ukuthi uyibonile iNkosi, njalo imtshele lezizinto ^x.

19 Kwathi kusihlwa ngalolosuku, olokuqala lweviki ^y, leminyango ivaliwe lapho abafundi ababehlangene khona ^z, ngenxa yokwesaba amaJuda ^aa, uJesu wafika wema phakathi ^ab, wathi kubo: Ukuthula kakube kini ^ac. 20 Njalo esetshilo lokhu wabatshengisa izandla zakhe lohlangothi lwakhe ^ad. Ngakho abafundi bathokoza beyibona iNkosi ^ae. 21 UJesu wasebuya esithi kubo: Ukuthula kakube kini ^af; njengoba ^ag uBaba engithumile, lami ngiyalithuma ^ah. 22 Kwathi esetshilo lokhu waphephetha phezu kwabo wathi kubo: Yemukelani uMoya oNgcwele ^ai. 23 Loba ngobani elithethelela izono zabo, bathethelelwe; loba ngobani elibamba ezabo, zibanjiwe ^aj.

24 Kodwa uTomasi, omunye wabalitshumi lambili, othiwa nguDidimusi, wayengekho labo mhla uJesu efika ^ak. 25 Ngakho abanye abafundi bathi kuye: Siyibonile iNkosi. Kodwa yena wathi kubo: Uba ngingaboni ezandleni zayo amanxeba ezipikili, njalo ngifake umunwe wami enxebeni lezipikili, njalo ngibeke izandla zami ehlangothini lwayo, kangisoze ngikholwe ^al. 26 Njalo emva kwensuku eziyisificaminwembili abafundi bakhe babephakathi futhi, loTomasi elabo. UJesu wafika ^am, iminyango ivaliwe, wema phakathi wathi ^an: Ukuthula kakube kini ^ao. 27 Wasesithi kuTomasi: Letha umunwe wakho lapha, ubone izandla zami; njalo letha isandla sakho, usifake ehlangothini lwami; njalo ungabi ngongakholwayo, kodwa okholwayo ^ap. 28 UTomasi wasephendula, wathi kuye: Nkosi yami loNkulunkulu wami! 29 UJesu wathi kuye: Ngoba usungibonile, Tomasi, ukholiwe; babusisiwe abangabonanga ^{aq
,} ^ar, kanti bakholiwe ^as.

Umsebenzi wevangeli

30 Njalo ^at uJesu wazenza lezinye izibonakaliso ezinengi phambi kwabafundi bakhe ^au, ezingalotshwanga kulolugwalo. 31 Kodwa lezi zilotshiwe, ukuze likholwe ukuthi uJesu unguKristu ^av iNdodana kaNkulunkulu ^aw, njalo ukuze lithi, likholwa, libe lempilo ^ax ebizweni lakhe ^ay.